Steuerbuch von 1671



Frag Stuckh.

1.  Wie er mit Tauff: unnd Zue Nammen haise.
2.   Wemme er wegen seines besizennten Guetts, mit der Stifft: unnd Vogtey zuegehörig seye.
3.     Unnd waß er davon zu Jerlicher Stifft: unnd gilt: oder in annderweg, unnd weme dasselbe raichen miesse.
4.     Ob Er darauf Erbrecht, Leibgedinng, veranlaitte Freustifft, Neustifft, gewisse Bestandt Jahr, oder waß für anndere Gerechtigkheit habe, oder Jerlich von seinem Grundherrn abgestifft werden möge.
5.     Ob Er solche Gerechtigkheit durch Khauff, Heurath, Erbschafft, oder was anndere weiß an sich gebracht zu waß Zeiten und was er dazumallen für einen Anfahl, und Zuestanndt geben habe.
6.     Umb wievil erß seithero verbessert, unnd wie hoch er dise gerechtigkheit (ausser der dabey verhanndenen Vahrnuß, so in ainen absonnderlichen Anschlage khombt) dermallen achten thue.
7.     Wivil Ross, Fill, Vollen, Oxen, Küe, Stier, Junngrinndt, Kölber, Lember, Gaiß, Imben, oder schwein, ihme aigens zuegehörig, oder von wemme ers im bestanndt habe, bey obgemelt seinem selbst beßizennten guett, oder anndern orthen.
8.     Ob: und waß Er ausser iezt gemelten noch an fahrennten oder ligennten Haab unnd Güettern, Heusern, wismathern, Äckhern, Holzwaxen, Fischwassern, Zechennten, Albmen, oder anndern dergleichen belechnet, oder unbelechnet: in der Stifft oder aigenthumbs waiß, in dem Gricht darinnen er entsessen ist, oder annderer ortten habe, unnd wie hoch er ainß, so annders dermallen schezen thue.
9.     Waß er von Zeit deß Kriegs wesens, für Ödten güetter, völlig oder zum thail auf gericht habe, ob ers mit aigenen ruggen besize, oder zu einem Zuepau gebrauche, oder etwan nur etliche stuckh daran geniesse, wie weith sye solche Nuzunng ungefärlich erstreckhen, und anfahl er von ermelten stuckhen etwaß Stifftwaiß inhabe, wievil er davon ierlichen gilt, unnd weme Raichen miessen, auch wie Hoch er die darauf habennte Gerechtigkheit ungefehrlich schäzen thue.
10.   Ob: unnd waß vor einer zeit er solch Bißhero, unnd wie hoch versteurt habe.
11.   In Specie waß er für verbriffte, oder unverbriffte schuldten herrein: oder hinaus selbs aigens: oder von Curatory und Vormunndtschafft wegen, habe, unnd von waß Zeiten dieselbe unnd gegen weme auf die gilt khommen seint.

12.   So dan Lestens, wievil ihme yber sein Haußnotturfft an getraidt, oder Vich, ierlichen ungefehr aus dem verkhauff verbleibe.